ERASMUS+ ICM (KA171) DASTURI DOIRASIDA SLOVAKIYA QISHLOQ XO‘JALIGI UNIVERSITETIDA 3 OYLIK TAHSIL OLISH UCHUN TANLOV E’LON QILINADI

“Toshkent irrigatsiya va qishloq xo‘jaligini mexanizatsiyalash muhandislari” Milliy tadqiqot universiteti talabalari uchun Erasmus+ International Credit Mobility (KA171, 2025-yilgi chaqiriq) dasturi doirasida Slovakiya Qishloq xo‘jaligi universitetida (Slovak University of Agriculture in Nitra, Slovakia) 3 oylik akademik mobillik dasturida ishtirok etish uchun tanlov e’lon qilinadi.

Mazkur almashinuv dasturi TIQXMMI Milliy tadqiqot universiteti hamda Slovak University of Agriculture in Nitra o‘rtasida imzolangan inter-institutsional kelishuv asosida amalga oshiriladi.

Dastur haqida qisqacha ma’lumot:

• Qabul kvotasi: 2 nafar talaba
• Mobillik davomiyligi: 3 oy
• Dastur turi: akademik tahsil olish
• Qabul qiluvchi OTM: Slovak University of Agriculture in Nitra (Slovakiya)
• Amalga oshirish davri: 2026/2027 o‘quv yili doirasida

Moliyaviy ta’minot:
Tanlovdan muvaffaqiyatli o‘tgan ishtirokchilarga quyidagi Erasmus+ grant mablag‘lari ajratiladi:

• 1188 yevro / oy
• 211 yevro bir martalik yo‘l xarajati uchun

Mazkur mablag‘lar Nitra shahriga yetib borgandan so‘ng va Slovak University of Agriculture xalqaro aloqalar ofisida Grant Agreement imzolangach to‘lanadi.

Kimlar hujjat topshirishi mumkin:

• TIIAME Milliy tadqiqot universitetida tahsil olayotgan talabalar
• PhD (doktorantura) bosqichi talabalari ham ushbu tanlovda ishtirok etish huquqiga ega

Saralash mezonlari:
Nomzodlar universitet tomonidan ochiq va shaffof tanlov asosida quyidagi mezonlar bo‘yicha baholanadi:

• o‘qishdagi natijalari
• xorijiy til bilish darajasi
• mobillikda ishtirok etish motivatsiyasi

Nomzodlarni taqdim etish muddati:
Hamkor universitetga nomzodlarni rasmiy taqdim etishning oxirgi muddati:

• 2026-yil 31-may — 2026/2027 o‘quv yili uchun
• 2026-yil 31-oktabr — 2026/2027 o‘quv yilining bahorgi semestri uchun
• 2027-yil 31-may — 2027/2028 o‘quv yili uchun

Shu munosabat bilan, tanlovda ishtirok etishni istagan talabgorlar universitetning ichki saralash jarayonida qatnashishlari lozim.

Qo‘shimcha ma’lumot uchun:
TIQXMMI Milliy tadqiqot universiteti
Xalqaro hamkorlik boshqarmasi